Text: 2.2   šābuhragān Mittelpersisch



 *dw *bwn *ʿy °]
 š)[ʾ](b)whrg[ʾn] °
[••••]  pd  dyw(ʾ)n ʾwd [••••••]
[•• ••]bw[•• ••• ](c)[ •••••]
[•••](p)tg (kw)[ •••• •••• ••••]
[••••](.d)ʾnd w: gwʾnd [kw ʾ]mẖ
[y]zdʾn pyysgr hwm °° (w: ʾ)[š](m)[ʾẖ]
pd  ʿyn pnd ʿyg ʾmẖ [rwyd  w:]
mrdwhm prʾyst wyps[ʾnd]
ʾwšʾn  pd  dwšqyrdgʾny(ẖ)
qʾm rwʾnd ° w: dynwr ky x(w)[yš]
dyn ny wrwʾd hʾnc ʾw ʾwyš[ʾn]
hnzpsʾd w: ʾwy zmʾn  ʾnd[r]
šhr xyr ʿynʾwn bwʾd ° ʾ[yg]
pc zmyg w: ʾsmʾn ʾwd (x)[wr]
ʾwd mʾẖ w: ʾxtrʾn [ʾwd]
[ʿ]sṯ[ʾ]rgʾn wzrg nyšʾn pyd[ʾg]
b[w]ʾd °°__________[°°]
ps xrdyšhr yzd hʾn ky
nxwst ʾwy nr dʾm nwxwyr [ʿy]
prtwmyn xrd ʾwd dʾnyš[n dʾd]
ʾwš psʾc jʾ(r) jʾr w: (ʾ)[wʾm]
ʾwʾm xrd ʾwd dʾnyšn ʾw (m)[rdn:{?}]
prystʾd hʾn  p[d]  ʾwyc ʾ[wʾm]
ʿy ʾbdwmyn nzd ʾw prš(q)[yrd]
[hʾ](n xr)dyšhr (x)[wdʾy *ʾc hmʾg]

[°] ʾbr ʾmdyšnyẖ °
° ʿy myrdʾn pwsr °
[y](zdʾn ʾwd) dynwrʾn (h)mys
[ʾwz]dẖ [••• •](..yʾ)[ ••••]
[°] ʾyg  p(d  ʾ)[smʾ](n ʾn)drw(n) [ʾwl{?}]
ʿyst[ʾd] ʾwd wzrg xrwẖ [ʿyw{?}]
xwʾnyh(ʾd) w: hʾmšhr ʾzdy[hd:{?}]
[ʾ]wd [ʿy]myšʾn yzdʾn ky ʾndr
[ʾs]mʾnʾn w: zmygʾn hʾmkyšwr
[m](ʾ)nbyd wysbyd zndbyd ʾwd
[dh]ybyd pʾhrgbyd ʾwd dywʾn
[ny]xrwstʾr hynd hʾn xrdyšhr
ʾpryn qwnʾnd w: mrdwhmʾn
[k](y) ʾndr šhr šhryʾr bwʾnd
[dw](w) dwwʾn {pdš}<pyš> ʾwy šwʾnd
[ʾwd] nmʾc (b)rʾnd ʾwš prmʾn
[p]dyrʾnd w: mrdwhm ʿyg ʾʾzygr
[ʾwd] dwšqyrdgʾn w: mrdyhngʾn
[h]ʾn pšymʾn bwʾd ʾwd ps
[xrd]yšhryzd prystgʾn ʾw
[xwrʾ]sʾn ʾwd ʾw xwrnwʾr
[pryst]ʾd w: šwʾnd ʾwd mrdwhm
[ʿy d]ynwr ʾbʾg hyʾrʾn ° w: hʾn
[dwš]qyrdgʾ[n] ʾz hʾmkw(ny)šnʾn
[hmy](s prʾc) (ʾw py)š xrdyšhr
[yzd *nʿynd{?} ʾ]wš nmʾc brʾnd
{}
ʾwš dynwr gwʾnd kw [yzd]
[ʾw]mʾn xwdʾy ʾgrt pszg ty[s]
[ʾc] hʾn (c)[y] dr(w)nd[ʾn]  (pd)  ʾmẖ
[qyrd] pyš tw gw(ʾ)m [ʾw]šʾn
x[rd]yšhr yzd pswx ʾwẖ
dyyʾd kw mn wynyyd ʾwd šʾd
bwyyd ° ʾnʾy ky  pd  ʾšmẖ
wnʾst hʾd hʾntʾn dʾdys(t)[ʾn]
qwnʾn w: ʾngʾm xwʾhʾn b[yc]
hrw cy ʾšmẖ qʾmyyd p[yš]
mn gwptn hʾn ʾn dʾnym °°__°°
ghyšʾn ʾpryn qwnd ʾwšʾ[n]
dyl wywʾsynyd ʾwšʾn ʾw
dšn ʾʾrg ʿystynyd °° w: (ʾ)[bʾ]g
yzdʾn  pd  šʾdyẖ phryzynd °°_°°
ʾwd dwšqyrdgʾnʾn ʾz dy(n)[wrʾn]
wcʾryd ʾwšʾn ʾw xwy ʾʾrg
ʿystynyd ʾwšʾn npryn qwnd ʾ[wd]
ʾwẖ gwyd kw  drwʾxyz (w: m)[ʾ]
hʾmʿspyz bwʾd (cy) [hʾn]
wnʾẖ ʿyg ʾšmẖ kyrd (ʾ)wt(ʾ)[n]
zʿwryq ʾxšʾd qyr[d ʾwd]
hʾntʾn (ʾw) [myrdʾn *pwsr qyrd{?}]
(.... ....{?}) [ʾwd *ʾw hyʾrʾn]
{}
° ʾbr dʾdystʾn °
° ʾwd wcʾryšn °
(ʿyg) dynwrʾn ky ʾc dšn
[ʾ](ʾ)rg [ʿy]stynd ʾwẖ gwy[d]
[kw] dryst ʾwry(d) ʾšm(ẖ) ky
(ʾprydg ʿyg) zrwʾn  (pdyš)  q[yrd{?}]
cy swyg w: tyšng bwd hym [ʾwd]
ʾšmẖ xwʾr w: bʾr dʾd ° b[r]hng
bwd hym ° ʾwtʾn pymwxt hym
xyndg bwd hym ʾwtʾn dryst
(q)yrd hym ° bstg bwd hym
[ʾw]tʾn wšʾd hym ° wrdg bwd
hym ʾwtʾn bwwxt hym ° ʾwd
[ʾ]wzdẖ w: qʾrd(ʾ)g bwd hym
ʾwtʾn ʾw qdg hrwpt hym °
(ʾ)[ygyš] ʾwyšʾ[n] ʿy (dy)nwrʾn hyʾrn:
(zwpr) nmʾc brʾnd š: gwʾnd
kw xwdʾwn tw yzd w: ʾnwšg hy
ʾwt ʾʾz ʾwd ʾwrzwg ny ṯrwyd °
ʾwd swyg w: tyšng ny bwyy ʾwt
[d]rd [w:] dnʾẖ ʾbr ny rsyd ° ky
[bwd k]ʾ ʾmẖ ʾyd ʿspʾs
[p]d  tw qyrd ° ʾwšʾn xrdyšhr
[ʾwẖ] (g)wy(d) kw hʾn cy ʾšmẖ
[ʾw d](ynwrʾn) qyrd ° hʾntʾn mn
[ʿspʾ](s) [k](y)rd ° ʾwtʾʾn
{}
whyštʾw pʾdʾšyn dy(y)ʾʾ[n]
[ʾw]yšʾn wzrg šʾdyẖ
[dyyʾ]d °°________________
[ʾwd] dwdy ʾw ʾwyšʾn [dw]škyrdgʾnʾn
ky ʾc xwy ʾʾrg ʿystynd ʾwẖ
gwyd kw ʾšmẖ dwšqyrdgʾnʾn
ṯncyy w: ʾʾzqʾm ° ʾnʾg kwnyšn
ʾwd gyẖ hšʾr bwd hyyd (°)
ʾwtʾn ʾn ʾcyš gylgʾy hym
cy swyg w: tyšng bwd hym ʾw[d]
ʾšmẖ xwʾr ʾwd bʾr ny dʾ[d]
ʾwd brhng bwd hym ʾwtʾn n(y)
pymwwxt hym °° w: xyndg bwd hym
ʾwtʾn dryst ny qyrd hy(m)  w:]
wrdg w: ʾwzdyẖ bwd hym ʾwtʾn
pd  qdg ny pdyrypt hym °° ʾwš
dwšqyrdgʾnʾn ʾwẖ gwʾn(d)
kwmʾn yzd w: xwdʾy kyy bwd 
ṯw ʾydʾwn dwjbwrd b[wd hy]
ʾwmʾn ny bwwxt hy ° ʾwš[ʾn]
xrdyšhr gwy(d) kwtʾn hʾn c[y]
(dyn)wrʾn ʾnngʾr (dʾ)št hy[nd{?}]
hʾnt(ʾ)n  pd  mn w[nʾ]st ʾ(w)[tʾn]
ʾn ʾcyš gylg[ʾy b]w[d hym]
{}
° dw bwn wzrg °
° (ʿy) šʾbwhrgʾn °
ʾwd wnʾhgʾr hyy(d) ° cy
d[y](n)wrʾn (zʿ)wryq dwšmyn b[wd]
hyyd ° ʾw(tʾ)n ʾxšʾd kyrd [hynd]
ʾwtʾn ny ʾmwrzyd hynd ° ʾw[d  pd]
(yz)dʾn wnʾhgʾr ʾwd pwrdg hyyd
[gh]y prystgʾn ʾbr ʾwyšʾn
[dw]šqyrdg²n²n gwm²r(yd) ²wšn:
[g]yr²nd w: ²w dwšwx ʾ(bg)[nʾnd]
{one line blank}
[ʾ]wd  xrdyšhr yz[d] ʾw šhr
phryzʾd ° ʾyg rwc mʾẖ ʾwd
sʾr hndsʾnd °° w: ʾʾz w: ʾwrzwg
nzʾr rsʾd °° w: drd ʾwd dnʾẖ (w:)
[....] (w:) dwšy(ʾryy) ʾwd nyxrwst
cnʾnd ʾ[wd w]nʾẖ ny qwnʾnd w:
wʾd ʾb w: ʾdwr ʾndr šhr tzʾ[nd]
(ʾw)d wʾrʾn (nrm) wʾrʾd ʾwd
[drx](t) w: gyʾw (ʾ)wd bʾr w: ʾwrwr
[••••••] rwyyʾnd ° ʾwd  [pd]  šhr
[•••] ʾwd w(šy)dʾxw bwʾd ° ʾwd
[m]rdwhmʾn d(y)n nywšʾnd ° w: hrw
[••• ••](y)st w: hwgʾm w: rwʾnpry
[•••••• •••••••] dwšʾrmyẖ
[••••• •••• r](wcʾ)nd ° w: k(ʾ)
{}
ṯr d(h)[m]yʾn ʾwd ʾstwd(ʾʾn)
(gyʾg) wdyrʾnd ʾwšʾn [w]yn[ʾnd]
[ʾygy](šʾn) xwyš ṯwhm w: nʾp
[ʿy wd]rd hynd ʾyʾd qwnʾnd ° w:
(gw)ʾnd (k)w w[ʾy] (ʾ)wyš(ʾn ky)  pd  hʾn
ʾwʾm (ʿy) bzg mwrd ʾwd (w)ny (b)[wd]
(h)yn(d ky)bycwšʾn sr ʾz hʾy[ʾn]
[ʾw](l) [hn]ʾryẖ ʾwšʾn ʿyn šʾdy[ẖ]
ncyhyẖ (ky) nwn ʾmẖ ʾndr phryzw(m)
hnzpt ʾmdyšnyy ʿy zyndk[r]
{155-158 blank}
(ʾʾ)yd ʾhrʾmyšn (ʿy x)[rdyšhr]
[••••] xrdyšhr yzd [••• •••]
(z)myg [•••••]ʾd ky (.)[•••• ••••]
mr[dw](h)mʾn ʾwš[•• •••••]
ʾwd xwd ʾwl (ʾ)[w whyšt]
xwyš gʾẖ ʾhrʾ[mʾd  *ʾwd wʾd]
[ʾ]b w: ʾdwr ʾ[•• •••• ʾc]
[z](m)yg (ʾ)wl [ʾhrʾmʾd{?} ʾwd]
(p)d  š(ʾd)yẖ (p)[••• •••••••]
wʾd ʾb w: (ʾ)[dwr ••••••••]
{}
° dw bwn ʿy °
° šʾbwhrgʾn °
ṯzʾn °° ʾyg zmyg ʾwd ʾsmʾn
(hʾmqyš)wr pršqyrd zmʾ(n)
(b)[wʾd] w: ʾc hmʾg šhr (m)[wrdg]
ʾbnʾmʾnd ʾwd dynwr ʾw [whyšt]
ʾhrʾmʾnd w: dd ʾ[w]d drxt (ʾ)[wd]
mwrw (ʿ)y prwr ° w: dʾm ʿyg ʾbyg w:
pr[y](st)r ʿy zmyg ʾc šhr zyh(ʾnd)
[w: *ʾw dw]š[wx š]wʾnd °°_________
ʾwd (p)[s w]ʾd ʾb ʾwd ʾdw(r) ʾc
[h]ʾn ʾyrdwm zmyg ky hʾn mʾnbyd
ʾwd wʾdʾhrʾm yzd ʾbr
ʿystynd ʾbysyhʾd ° w: hʾn š[h]r
ʿy nwg w: bnystʾn ʿy dywʾn ʿ[y]
[nwg]šhrʾpwr yzd dysyd ° hʾn(c)
[ʾw why]štʾw hsʾcyhʾd w:
[sxt] (q)yryhʾd ° ʾyg ʾwr[myzd{?}]
[••••• m]ʾẖ yzd [••• •••••]
[••••••••] (hʾ)mqyš(wr) nyy[ʾm]
[••••••] rwšnyẖ ʾwd xwšn ʿ[y]
[yzdʾn ••••] hʾmqyšwr [•••••]
[••••••• ••••]wn ʾwrm[yzd]
[•••••• hʾ](mq)[yšwr ••••••]
[•••• •••• •••• ••••]
[•••• •••• •••• ••••]
{}
wpr wdcyd °°________°°
[ʾ](wd)  hʾn rwšnyẖ ʾwd xwšn
[ʿy yz]dʾn ʾhrʾmyd ghy zmyg
ʾwd (ʾ)smʾn hʾm(qyšwr ʾ)c
ʾsmʾn ʿy ʾbrdwm w: (dʾ) zmyg
ʿy ʾyrdwm (h)mʾg šhr [nyš:](m)
gyrʾd w: ʾc nyyʾ(m) w: wynʾr(yš)n
sw(st b)wʾd °°_______(°°)
ghy dwdy myhryzd ʾc rẖ [ʿy]
xwrxšyd ʾw hʾmqyšwr (ny...)d{= (nyr)[w](ʾ)d{MacK.} or (nyw)[z](ʾ)d}{WS}
ʾwd xrwẖ xwʾnyhʾd ʾwd yzd
ky  pd  ʾsmʾnʾsmʾn w: zmy(g)
zmyg mʾnbyd wysbyd zndbyd (w:)
dhybyd pʾhrgbyd w: ny[xrwstʾr]
hynd w: šhr wynʾrd dʾ[rynd ʾwd]
ʾʾz ʾwd ʾhrmyn w: dywʾ(n) [ʾwd]
prygʾn nyxrwhynd (ʾ)wyš(ʾn) [ʾwd]
wyspʾn ʾzd bwʾd kw ʾʾ(z) [ʾwd]
ʾh[r]myn (w:) dywʾn (ʾ)wd (pr)[ygʾn]
x(yš)mʾn mznʾn w: [ʾs]ryš(tʾr)[ʾn]
(d.....)r (m)[••••](.)c [•••]
[•••••• ••••••• h](m)ys
[••••••• •••• •••](ʾw ....)
[•••••• •••••• ](hm)[••]
{}
° ʾbr hmbhyšn °
° ʿy hʾmqyšwr °
ps hʾn mʾnbyd yzd ky
ʾbr [h](ʾ)n ʾyrdwm zmyg ʿys[tyd]
ʾwd zm[y]gʾn wynʾrd dʾry[d w:]
hʾn wʾdʾhrʾm yzd ʿyš ʾbʾg
ky wʾd ʾb ʾwd ʾdwr ʾwl
ʾhrʾmyd ° w: hʾn wysbyd yzd
ʿyg ʾbr ʿyn zmyg ʿystyd °° w:
[hʾ]n ʾzdhʾg ʿy mzn ʾndr (ʾ)b[r]g
(k)yšwr nyrʾpt dʾryd ° ʾc
hyʾrʾn hmys ʾw whyštʾw
prnmʾnd °° ghy zmyg hrw ʾbr
hʾn chʾr nyrʾmyšn bn ʿy
dywʾn yk ʾbr yk prwd hmbhʾnd
{one line blank}
[ʾwd sr]ygr qyrb ʿy ʾwhrmyzd
[mʾ](d ʾc r)ẖ ʿy xwrxšyd p(ydʾ)g
[b](wʾd) w: ʾ[w] ʾsmʾnʾn nyyšʾd
[ʾw](d) hʾn yzd ʿy dhybyd ky ʾc
(ʾ)br hrw ʾsmʾn ʿystyd ° w:
(ʾ)wyšʾn p[n](z)[ʾn] yzdʾn dst dʾryd °
[•••] w: hʾn [ʾny{?}] (yz)[d] (ʿ)y myʾn
[••••• •••••• ••••](n{?} ʾyrg)
[•••](g) ʿ(y)[••••• •••••••]
{240 missing}

ʾwyš(ʾ)n pnzʾn yzdʾn (hmys)
[ky] (n)xwst  pd  xwyš r(w)[šny](ẖ w:)
(x)[wšn] (ʾ)ʾz ʾwd ʾhr(m)[yn *w: dywʾn]
[ʾwd] drwxšʾn grypt [bwd hynd]
(h)[•••• ](w)h(yšt)ʾw[ ••••••]
ʾwd ʾwy pnz yzd ky (nx)[wst{?} •••]
[w]hyštʾw ʾwd yzdʾn ʾc (ʾʾ)[z w:]
[ʾ]hr[myn] w: dywʾn ʾwd drwx(š)[ʾn]
zd bwd hynd hʾnz ʾndr whyšt[ʾw]
dwdy ʾʾwn dryst ʾwd (hʾwsʾr)
bwʾnd cʾwnšʾn nxwystyc
ʾwhrmzdby ʾ(p)wr  ʾhnwn
ʾc ʾʾz ʾwd dywʾn zd (ny) bw[d]
hynd °° w: hʾn(c q)yšw(rwʾr)[yzd]
(k)[y] zmyg w: ʾsm(ʾn) wy(n)yr[d dʾ](ry)[d]
[ʾwyš](ʾn) ʾw [why]štʾw ʾ(hr)ʾm[yd]
{one line blank}
ghy ʾsmʾn dẖ (ʾw)d gyrdʾ(s)[mʾn]
yk (ʿy) grdʾg  pd  (q)yšwr gʾẖ
mʾn ʾwd wyys (zn)d (ʾ)wd dyẖ
pʾdgws [ʾwd wy](mnd) [p](ʾ)hr w: dr
ʾstʾng (rʾstwʾn) [ʾ](wd wc)[yhr](g)
(ʾ)wd nyrʾmyšn c(h)[ʾr] (b)n (ʿ)[y dywʾn]
(ʾw)d zmyg chʾ(r  p)[d  •••• ••••]
{}
° ʾbr ʿsṯptyẖ [ʿy °]
° ʾdwr wzrg °
(g)[ʾẖ{?}] ʾwd qyšwr (q)wp
(ʾwd rʾr) ʾwd nʾy ʿy qndg
(ʾwd dwšw)x ʾbʾg ʾʾz [ʾwd]
(ʾwrzwg) [ʾ](hr)myn w: dywʾn w: [prygʾn]
[xyšmʾn m]znʾn [w:] ʾsryš(t)[ʾr]ʾn
[kʾ wys](p)ʾn ʾndr ps(ʾ)x(t w:)
[hp]šy(rd hrw) prwd hmbhʾnd ° (w:)
[hʾ]n sẖ pʾ(r)gyn ʿy [zh]ryn ṯʾryn
[ʾ]w[d] swcyšn ʿy pyr(ʾmw)n hʾm
qyšwr qyrd ʿystynd hʾnšʾn
ʾbr prwd wšyhʾnd ʾwd hʾn
swcyšn ʿy xyšmyn ʿy nwn
pyrʾmwn hʾmkyšwr ʾwbʾyyd
[ʾw](d pr)sp(yd) w: pʾd ʿystyd hʾn
[ʾnd](r) [ʾ]brg w: xwrʾsʾn ʾyrg w:
(x)[wr](nwʾr) [ʾw](d) bʾlʾy (w:) zwpryẖ
[phnʾy{?}] w: (dr)ʾzʾy (sw)cʾn rwʾd
[w: z](my)g ʾ(s)mʾn hʾmqyšwr
[ʾ]ndr (hʾ)n (s)[w]c(yš)n ʾʾwn [sw]cʾnd
cʾ(w)n [m](wm)  pd  ʾdwr w: [ʾ](ʾ)z ʾwd
[ʾwrzwg ʾhrm]yn [w: dy](w)ʾn xyšmʾn
m[•••••• •••••••] tʾrʾn ʾwd
{illegible traces}
[•••••• •••••• *hzʾr ʾwd]

chʾr sd šst ʾwd hšt sʾ[r]
[ʾy]ʾrdʾnd ʾwd wrdʾnd w: ʾxšʾdy[y]
[gwm]ʾyʾnd ° w: hʾn zwr ʾwd prdwz
ʿyg ʾwy rwšnyẖ ʾwd xwšn ʿy
yzdʾn ʿy  pd  zmyg ʾwd ʾsmʾn
hʾmqyšwr w: ʾʾz ʾwd dywʾn zd
ʾwd prdxt mʾnd ° hʾn  pd  ʾwy
ʾʾyb (ʾc)yš  ʾwzyhʾ[d ʾwd]
pʾq bwʾd w: ʾw xwr ʾwd mʾ(ẖ)
ʾhrʾmʾd ° ʾwd  pd  cyhr ʿ[y]
ʾwhrmyzdby yzd bwʾd ° w: ʾ(c)
xwr w: mʾẖ hmys ʾw whyštʾ(w)
ʾhrʾmʾnd ° w: ʾwhrmyzdby ʾ[c]
ʾbrg pʾdgws w: rwšnšh[ryzd]
ʾc xwrʾsʾn ° w: nwg(š)hr[ʾp](wr)
yzd ʾc ʾyrg ° w: myhryzd (ʾc)
xwrnwʾr pʾdgws ° ʿymyšʾ[n]
pdyštʾn ʾc xwyšʾn (w: h)[yʾrʾn]
hmys ʾbr hʾn dysmʾn ʿ[y]
whyštʾw ʿy nwg (p)[y](rʾm)wn ʾw[y]
ʾʾyb ʿ[y]s(tʾ)[nd *w:{?} ʾw] (ʾ)ʾ(yb)
nyyšʾnd ° w: (ʾwy)šʾn[c dyn](wrʾn)
(ky) ʾndr whyštʾ[w *hynd  pd]
[gʾ]hrwšn nšyyʾn[d  •••••]
{}
° ʾbr rwʾnʾn °
 *ʿy dw]šqyrdgʾnʾ[n] °
(ps) hndmn: ʿy (yzd)ʾn ʾʾyʾnd ʾwd
pyrʾmwn ʾwy ʾʾyb ʿystʾ[nd w:]
dwšqyrdgʾnʾn ʾndr ʾʾy[b]
(ʾyʾ)rdʾn(d) ʾwd wrdʾnd ʾwd
prbysʾnd w: ʾwyšʾn dynwrʾn
hʾn (ʾ)ʾyb ʾʾwn ny wyzʾyʾd
[c]ʾwn nwnc ʿyn ʾdwr xwr ʾwd
[mʾ]ẖ (n)y wyzʾyd °°________°°
[ʾwd] hʾn ʿy dwšqyrdgʾn  ʾndr
[ʾ]wy ʾʾyb ʾy[ʾ](rd)ʾnd w: wrdʾnd
ʾyg ʾwl nyyšʾnd ʾwd dynwrʾn
ʿšnʾsʾnd ʾwšʾn pywhʾʾn
ʾwẖ gwʾnd kwtʾn nyw dybg ʾbr
[ʾ]mẖ (hyb) byẖ ° ʾwmʾn
[ʾhyn](z)yš[n] ʾwd zʿyg ʾw dst dyy[d]
ʾwmʾn ʾc ʿyn swcyšn bwzy(d)
[ʾ](w)mʾn (ny) [p]rmʾd kw ʿynʾʾwn
[•••] w: ʿsṯpt ʾb[r] ʾmẖ r(sy)
[b]ycwmʾn ʾg(r) dʾnyst hy ʾwmʾn
(cy) gwpyh[s](t h)ʾnym(ʾn w)ʾbr
qyrd [hy °°] ʾ[mh{?}]yc dyn ʾwd
[•••••• p](d)yryp(t hy) ʾwmʾn ʾʾz
[••••••• ny]rʾpt hy w: ʾšmẖ
[•••••• hy](ʾ)r bwd hyym (ʾ)[wd]

[••••• ʾ](x)šʾdyẖ [••••••]
[•• •••](m) °°________°°
[ʾwd *dynwrʾn ʾ]wẖ gwʾnd kw
ʾšmẖ (dwš)[q](yr)[d](g)ʾnhʾn 
drʾ[y](y)d ° [cym]ʾn hʾ(n) ʾyʾd bwd
(qw) ʾnd(r) [šhr{?}] ʾʾzgʾm w: ʾw[rz](w)g
pyys (b)[wd] hyyd ° ʾwd ʿsṯ(m)[b](g)
ʾnʾn[•• •••](s)t (hyyd) ° [ʾwtʾn]
rwʾn [rʾy ny] mynyd w: (ʾ)[w (ʾ)[mẖ]
dwšmy[nyʾd *bwd hyd] ° ʾwtʾn ʾ[c]
(š)hr (ʾ)w šhr xwyhyd w: mw[rzyd]
[h](w)m ʾwtʾn wʾbr ny qyr(d)[ kw]
[yz]dʾ(n qʾm)yšng(r) hwm ʾw(t)ʾ[n]
[xw](d)yc ny prm[ʾd *kw{?} ʿyn] (d)wjw(ʾ)[ryy]
[ʾ]br (ʾm)[ẖ] rsʾd [w:{?} ʾmẖ]
[•••](d)y(n)[.] dʾrʾd [b]yc ʾgr
ʾšmẖ [ʾc] ʾmẖ (x)[r]d w: (dʾ)ny(š)[n]
(ʿ)y yzdʾn (p)[dyry]p(t h)[y] ° ʾwd (k)[ʾ]
rwʾn pryy (b)[w]d h(yd) ° (w:)  pd  yzdʾ[n]
pnd r(pt) hy[d ʾwd] (h)ʾmpn[d]
(ʾ)wd hyʾr (b)[wd hyd ʾygytʾn]
ṯn ʾʾz ʾwd ʾwr[zwg *ny zʾd{?}]
(h)ʾ(d) ° w: ṯʾy ʾprg ʾ[wd ••••••]
[ny] (wrwwyd{?}) ° ʾyg rw[ʾn *jʾydʾn ʾw]
{}
° (dw bwn) [ʿy °]
 šʾ](bwhr)g(ʾn °)
dwj(wʾ)ryẖ ny md[ *hʾd  nwn]
ny ʾw ʾmẖ pywh(yy)d[ *ʾwd mʾ]
drʾyyd w:  (ywbyd) [•••••]
cy ʿync (ʿ)y nwn [ʾ]mẖ ʾw ʿyn
hndmn ʿy yzdʾn m[d h]yym ° hʾn
ny (ʾ)šmẖ dwšq[y]r[d]gʾnʾn rʾy
[m]d hyym ° byc ʾwyšʾn rʾy
[hndymʾn{?} m](d) hyym ky [hʾ]n šhr ʿy
[qhwn{?} ʾndrw]n ʾw dynw(rʾn) rwn xwb
[b](wd) hynd ʾwd pdysʾy ʾšmẖ
[dw]šqyrdgʾnʾn hʾnšʾ(n ny d)[yd{?}]
[d]y(n) w: qyrdgʾn ṯwʾn bwd (ʾ)dy(d)[n]
(ʾ)wd pdyryptn w: ʾʾz ʾwd ʾwrzw(g)
[pr](ʾ)mwx(t)[n ʾwd] dynwrʾn hʾm[pnd]
[w:{?} pr](m)yn ʿ(sp)w(r b)wdn ° ʾwd ʾ[yd]
rʾy ʾw grʾn (d)[wjwʾ](r)yẖ (m)[d]
[h](ynd ° w:) [•••](g šy)[•••](ẖ) ʾndr
[ʾwy] (ʾʾyb ʾ)y[ʾ](rd)y[nd] ʾwd wrdynd
(ʾwd ʾxš)ʾd(yẖ) wd[ʾ]rynd ° nwn (ʾmẖ)
[••](yšn) [••••] (h)m(bʾry)m
[••••••• ʾ](ʾz) w: ʾwrzwg (...)
[•••• ••••](c) ʾwd dw[••](.)[•]
[•••• ••••] (ʾmẖ ʾ.) (wy..)
[•••• ••••] ʾbʾg ʾšm[ẖ]

[••••]n ° ʾ(w)[d] (ʾ)bʾg (ʾh)[r]m[y]n
[ʾwd] dyw(ʾ)n  p(d)  bn ʿy jʾydʾn bst
(ny) bwʾd b(y)c ʾšmẖ ʾyd
dwjw(ʾ)[r](y)ẖ wʾryyd ° cytʾn ʾc
ʾʾz (ʾ)wd ʾ[wr]zwg w: xwyš kwnyšn
ʾ(b)r md ° [ʾ](w)tʾn ʾz ʾyd ʾxš(ʾ)[dy](ẖ)
c(ʾ)wn bwz(ʾ)m  ʾc (ʾndr) [yzdʾn{?}]
dʾdys[t](ʾn) wcr ʾyd (ʾwd)[ ps]
wys(p r)wʾn ky ʾndr (ṯ)[n  *pd  *ʾʾz w:]
ʾwrzw(g) zʾyh(ʾd) w: ʾʾz (w: ʾw)[rzwg]
[zʾ](ynʾd) ʾwš ny nyrʾmʾd w: ṯn(p)[rst]
ʾwd ʾʾzgʾm bwʾd w: ʾhrmyn(k)[ʾn{?}]
dʾrʾd ° hʾn ʾbʾg ʾhrmyn [w:]
[dy]wʾn  pd  bn ʿy [jʾyd](ʾ)n bs[t]
[b](w)ʾd °° (w: hʾ)n ky y(z)[dʾ](n) q(ʾ)[m]
qwnʾd [ʾwd dyn](wr)ʾ(n)[ hʾ]mpnd ʾ(w)[d]
hyʾr b[wʾ](d)[ *ʾwd ʾwy](c) ky [••••]
[p]dyš  xwb [•••• ••](.....)[•••••]
[ʾ]bʾg yzd[ʾn  pd]  (w)hyš(t) [gap?]
[•••• ](b)wʾ(d) (ʾ)wd ••• ••](r)[• •••]
[dw](šq)yrdgʾnʾn ʾwd psw(x)
[ʾw] (d)wšqyrdgʾnʾn ʾndr
[sw](c)yšn grʾn [ʾwd] (p)šymʾn
[bwʾnd] (ʾ)wd (ʾx)šʾd bwʾnd °°_°°]
{}
 d)w bwn [wzrg{?} °]
(ʾwd)[ h]ʾn rwʾnʾn ʾbʾrygʾn
ky (ʾn)[d](r) ṯn w: ʾʾz ʾwd ʾwrzwg
zʾyʾnd w:  zmyg ʾwd ʾsmʾn
ʿystyd xrd ʾwd dʾnyšn ʿy
rwʾncynyẖ ny pdyrʾnd ʾwd ʾw
dy(n)wryẖ ny ʾdyhʾnd °° ʾwd nyc
dw(š)[qy](rd)gʾ(n) bwʾnd byc  pd
hr:)[g]{?} ʾwd qʾryzʾr rwʾnd (ʾ)wd ʾʾz
[ʾwd] ʾw(rzw)g (q)ʾm q[w](nʾ)[n]d (ʾwd)
[ʾw dw]šqy(rdgʾnʾ)n prystʾnd w:  pd
dynwrʾnc xwb w: xwš (bx)[šʾnd]
[ʾw](d) (p)d(ys)ʾy ʾʾz ʾw[d] (ʾwrz)wg w:
[.]ʿwy ʾwd xrg w: m[w](s)[t](br)yẖ
[•••••• •••••] (ʾbʾg) nwr(ʾ)[n{?}]
[•••](..)[• •••](.) w: (.)[••• ](ny) b(wʾ)[nd]
[••](...)  pd[  •••••••] ʾbʾg
[••••]qy (.)[••••• ](ʾwy) ʾšm)[ẖ]
[•••••](d .)[•• •••••] (ʾrdʾ)[wʾn{?}]
{427-432 illegible}
{Šābuhragān,_Fragments}
{433-528_missing}{M805a+/V/ fits here?}
{Šbrg M = M472/II/}
{529-552 missing}
[{?}dwšc](š)my(ẖ) (kw)[•••• ••••]
[••••](. xyn)d(g) sy(y) ʾ[n]dw(m)[ •••]
ʾ(..g .)[•• ]šhr(yʾ)r bwdn ° w[••••]
(dryst ʾ)xyzyẖ ʾyg dydym [bynyẖ{?}]
[ʾw]d šhryʾr bwyẖ °° [••••• °]
(ʾʾ)wn hʾnc rwʾn ʿyg ʾwy (h)[yʾr]
ʾw[d] wrzygr ʿy dynwrʾn (h)[ʾn]
ky ʾc [p](r)twm ʾbʾg ʾwh[rmyzd]
ʾwd (yz)dʾn dryst ʾnʾd ° w: [hʾn ky]
ʾc ʾʾ(z) ʾwd [d](y)wʾn (...)[•••]
(nw)n  ʾ(nd)r ṯn ʾʾz (ʾ)[wd ʾwrzwg]
zʾd ° ʾyg (ʾ)ʾz w: ʾw(r)[zwg]
(q)wnyšn w: d[wš]qyr[dgʾnyẖ {?}•••]
pd  (d)wš(q)[yr]dgʾ(n .)[•••• ••••]
(hʾn) ʾ(d)[wr{?} ••• ••• ••••]
ʾ[•••• ••• ••• ••• •••]
{549-552_missing}
{553-556_missing}
[•••• ••••] w: [•••• ••••]
[•••• •••](d ° ʾ)[••• •••••]
[••••] w: ʾbʾg yz(d)[ʾn] (xw)yš
[••••](q)yr(b) ʾw rẖ nšyyd [ʾ]wš
[jʾr] (w: phryz)yšn ṯr kyšwrw[ʾ](r)yzd
[w: xw]r w: mʾẖ w: ʾwhrmyzdby
[••••]d(ʾ)n ° w: ʾw whyštʾw (ʾ)ʾwn
[pd  {?} r](ẖ) ʾhr)ʾmyd (c)ʾwn (h)ʾnc
[•••• ʾ](h)rpt ° w: ʾndr whyštʾw
[hwʾr](m)y(n) bwyd ° (ʾw)š (bn)yc
[ʿy *ʾʾz *w: ʾ]wrzwg ʾʾwn wcr
[•••• ••••] (ʿy)[••• ••• ](bw)d
{569-624_missing}
{Šbrg O = M477/II/}

 *dw *bwn wzr](g ʿyg) [°]
° šʾb(w)[hrgʾn °]
(ʾʾw)n ʾz(dy)[hʾd{?} ••••• •••••]
[••••](..)[•••• ••••••]
{627-630 missing}
h[•••• •••• ••••]
yk[•••• •••• ••••••••]
{14 lines missing}
{}
[•••• ](c)šmgʾyẖ °
 ʿ)[y ••••• °]
[•••• ••••](.) ps hʾn
[•••• •••• ](ʿy x)rdw[•• ••]
{651-654 missing}
[••••• ••••• ••••](.)yẖ
[••••• ••••• ••••](ʾ)n
[••••• ••••• {?}ʾhrʾ](p)t
[••••• ••••• ••••](š)ʾn
{659-672 missing}
{Šbrg P = M475a/II/}

ʾwt rwʾn n(.)[•••• •••• ••••]
[••••](.)yp ʾ(.)[•••• •••••]
{675-678 missing}
(b)[•• •](ʾ)[•••• •••• ••••]
dy[nw](rʾ)n (ky)[ •••• ••••]
h[•]ʾ(w. t)[•••• •••• ••••]
(.)[••]n (..)[•••• •••• ••••]
[•••](c)[•••• •••• ••••]
(b)[•• ]hy(.)[•••• •••• ••••]
[.](mr)dš(ʾn) ° dy[•••• ••••]
[r](w)ʾnqyr(b)[ •••• •• ••••]
(myny)šn gwy(š)[n w:] (qw)[nyšn]
bz[g{?} ••](..)[•• •••• ••••]
ʾw(m)[ʾn{?} •••• •••• ••••]
(h)[••• •](r)[•••• •••• ••••]
(h)[•••• •••• •••• ••••]
(...)[•• •••• •••• ••••]
{693-696_missing}
{}
 •••• ](b)wdn °
° ʿy [•••• °]
[••••• dʾd]ystʾn wcr bwd
[••••• ••](.m) xwyš mynyšn
[•••• •••••• •••](w)[••••]
{700-702_missing}
[•••• •••• •••](.) pyw[hy](n)d w:
[•••• ••••]ʾn qyr(b)kr
[••••••• ••••](.) mnc
[•••• •••• ••](st)[••](g)
[•••• •••• ••••](.)yd ° [•••](.)
[•••• •••• {?}]ʾd(y)[d] ʾ(yʾb)m
[•••• ••••](..) dyyd  pymw(c)[••]
[•••••• •••](.)šn ʿyg ʾšmẖ yzd(ʾ)[n]
[•••••• •••](m)ʾn ° ʾwtʾn ʿspʾ(s)
[•••••• •••](d) rwʾn(pr)[yy •••] ʾwd
[••• ••••](bn)dyẖ [•••• ](ṯ)ncyy
[•••• ••• ••• ••• ](c)[y]m
[•••••• •••••• ]ʿyn
[•••• ••• ••• ••• •••](..)
{717-720_missing}
{Šbrg Q = M473a+/II/}

ʾʾynd (ʾwš ʾw)[ •••• ••••]
ʾhynzynd ° (ʾyg)[ •••• ••••]
(ʿyn ʾs)[mʾn{?} •••• ••••]
{724-726_missing}
ʾ(b)[ʾ](g) [•](..)[•• •••• ••••]
dwjwʾr m(rg)[ •••• ••••]
[•](.)yn °°__ [•••• •••• ••••]
[••]ʾš[•••• •••• ••••••]
{731-744_missing}
{}
 ••••](.g)[.]ʾyng °
 •••••• °]
[•••• ••••]d °°______°°
[•••• ••••](.)hr pyd(ʾg)
{747-8 illegible; 749-50 missing}
[•••• ••••]ʾc[•• •••](ʾr)
[••• ••• ••••](x)š dwškyrdgʾny
[••• ••• •••](.)yd gwpt [••••]
[•••• ••• •••• dry]sty(ẖ){?}
{755-768_missing}

{}